| «Մեգա Պանտերա»-ն սկսել է համագործակցել «Ադալեվ Ռիա» վճարահաշվարկային ընկերության հետ | ||||
|
|
«Մեգա Պանտերա» ընկերությունը հայտարարել է «Ադալեվ Ռիա» վճարահաշվարկային ընկերության հետ համագործակցության մեկնարկի մասին: Ինչպես հայտնել են «Մեգա Պանտերա»-ում, MegaPay ակնթարթային վճարումների համակարգին «Ադալեվ Ռիա»-ի միացման շնորհիվ Երեւանի բնակիչները հնարավորություն կունենան ավելի քան 35 օպերատորների ծառայությունները վճարել «Ադալեվ Ռիա»-ի` Դեմիրճյան 40 հասցեում գտնվող մասնաճյուղում: «Մեր վճարահաշվարկային համակարգի հաճախորդների քանակի աճի եւ պահանջարկի ավելացմանը զուգընթաց` մենք ընդլայնում ենք մեր գործընկերների ցանկը եւ «Ադալեվ Ռիա»-ի հետ համագործակցությունը դիտարկում որպես եւս մեկ քայլ` ուղղված մեր հաճախորդների համար հարմարավետության բարձրացմանը եւ մասնագիտացված մոտեցում ցուցաբերելուն»,- նշել է «Մեգա Պանտերա» ընկերության առեւտրային տնօրեն Գեորգի Խուրշուդյանը: «Մեգա Պանտերա»-ի գործընկերների թվում են ՀՀ 7 առեւտրային բանկեր, որոնք վճարումներ են ընդունում MegaPay-ի միջոցով, եւ Idram ինտերնետային վճարային համակարգը: |
| Նորացված է ( 10.11.2010 14:42 ) |