“Մեգա Պանտերա” ՍՊԸ-ն հայտարարել է ՀՀ ԱԳՆ հետ համագործակցության մեկնարկի մասին:

Համագործակցության արդյունքում ՀՀ ԱԳՆ վարչական շենքի քաղաքացիների ընդունելության սրահում տեղադրվել է MegaPay վճարային համակարգի տերմինալ, որի միջոցով հյուպատոսական ծառայություններ ստացող քաղաքացիները կարող են տեղում կատարել պետական տուրքի վճարումները: Սա առավել հեշտացրել է քաղաքացիների սպասարկման ընթացակարգը:

“MegaPay ընկերությունը, որ հիմնադրման առաջին իսկ օրվանից բոլոր տեսակի ծառայությունների վճարումն իրականացրել է 0% պահումով, առաջին անգամ սկսկել է համագործակցել նաեւ պետական մարմնի՝ ՀՀ ԱԳՆ հետ: Մեր կողմից կատարվել են սկզբունքային լուրջ փոփոխություններ համակարգի աշխատանքում, ներդրվել են նոր գաղափարներ եւ ծրագրային լուծումներ: Ծրագրի մատչելիության եւ պարզության շնորհիվ քաղաքացիներն առանց որեւէ դժվարությունների կարող են տեղում վճարել անհրաժեշտ պետական տուրքը”, - նշեց ընկերության առեւտրային տնօրեն Գեորգի Խուրշուդյանը:

Վճարումները կատարվում են պարզեցված եղանակով. անհրաժեշտ է գլխավոր մենյուի մեջ ընտրել “Պետական տուրք” բաժինը, լրացնել համապատասխան դաշտերը, մուտքագրել պահանջվող գումարը եւ կատարել վճարում: Վճարումը կատարելուց հետո վճարողին կտրամադրվի անդորրագիր: Քանի որ սարքը մանրը չի վերադարձնում՝ պահանջվածից ավել վճարված գումարը կարելի է փոխանցել վճարողի կողմից ընտրված բջջային հեռախոսահամարին: