«Մեգա Պանտերա» ընկերությունը հիմնադրվել է 2007թ. հունվարի 30-ին:

«Մեգա Պանտերա» ընկերությունը վճարահաշվարկային կազմակերպություն է, որը գործում է ըստ ՀՀ կենտրոնական բանկի խորհրդի` 2007թ. դեկտեմբերի 17-ի որոշման՝ ընկերությանը տրված «Դրամական (փողային) փոխանցումներ իրականացնող կազմակերպությունների» թիվ 8 և «Վճարային գործիքների և վճարահաշվարկային փաստաթղթերի պրոցեսինգ, քլիրինգ իրականացնող կազմակերպությունների» թիվ 4 լիցենզիաների:

Ընկերությունը ներկայացնում է ՄեգաՓեյ ակնթարթային վճարումների համակարգը, որը հնարավորություն է ընձեռում  բջջային և քաղաքային հեռախոսակապերի, կոմունալ, բուքմեյքերական ծառայությունների, համացանցի (ինտերնետ), IP հեռախոսակապի և այլ ծառայությունների համար կատարելու վճարումներ:

ՄեգաՓեյ  ակնթարթային վճարումների համակարգով վճարներն ընդունվում են ոչ միայն վճարային տերմինալներում, այլև հայաստանյան 7 խոշոր բանկերի մասնաճյուղերի միջոցով: Նախատեսվում է  վճարներն  ընդունել նաև «ԱրմենՏել» և «Օրանժ Արմենիա» ընկերությունների սպասարկման սրահներում և խանութներում:

Հանրապետությունում արդեն տեղադրված են  վճարային 350 տերմինալներ, որոնցից 273-ը գտնվում են մայրաքաղաքում, իսկ 77-ը՝ հանրապետության խոշոր քաղաքներում և գյուղերում:

ՄեգաՓեյ ակնթարթային վճարումների համակարգի միջոցով  բոլոր վճարումները կատարվում են առանց միջնորդավճարի (պահում` 0%):